Секој човек има идеја. Но не успеваат сите да ја реализираат. Само оние коишто имаат цврста волја и знаење. Ние имаме цел да го зголемиме нивниот број така што ќе ги поттикнеме да им се придружат на луѓето кои успешно се справуваат со различни животни предизвици.

Ако имаш цврста волја да ги промениш нештата, секако дека ТРИбина е наменета за тебе. Ако немаш волја, ниту идеја, ТРИбина е уште повеќе за тебе. ТРИбина е наменета за секого.

ТРИбина е гранка на ТРИ, односно проширување на нашата приказна. Сите знаења и умеења што досега читателите ги стекнуваа преку книгите, сега излегуваат надвор од кориците. Тоа значи дека заедно пишуваме нова страница. Книгите најчесто се знаци на патот. Некому тој знак му е повеќе од потребен. А бидејќи сите сме различни и секој се соочува со различни предизвици, потребен ни е уште појасен патоказ.